spestian
عدد المساهمات : 94
تاريخ التسجيل : 06/06/2012
 |  موضوع: قصيدة ليلة عيد وفراح لردود نزار القطري (مكتوبه )  السبت يونيو 30, 2012 2:06 pm | |
| قصيدة ليلة عيد وفراح لردود نزار القطري
ليلةعيدوأفراح
وعطرالشوق الفواح
ينثرشوقه الوردي
يالمهدي يالمهدي
***************
ياآخر هالأنوار
براسي دارت أفكار
اسمع شوف شعندي
يالمهدي يالمهدي
***************
طرت لسامراعلى جناح اشواقي وأسئل عنك
تحديني الفرحه ويغمرني النور اليظهر منك
ماشفتك مولودبمهدك كنك كوكب كنك
ورموشك كنهم طاووس بريشه يلون جفنك
يمك شفنا اليوسف
حاير فيك شيوصف
قلك خلص عهدي
يالمهدي يالمهدي
***************
يم مهدك قعدت آيات كتاب الله وقرآنه
تنثرأزهارورشت فوقك ورد بألوانه
حتى الورده تقلك من نورك الله سوانا
هذا العطرالتشتمه الوادم من كثر هوانا
من حبي لهذا النور
رازقني الباري عطور
بيها اتفرد وحدي
يالمهدي يالمهدي
***************
وآنه بهذاالموقف اتأمل اعجاز الباري
واملاك الدنياعلى يميني تحوم وعلى يساري
رديت وياهم خطيت اسمك علقت ابداري
شتاقيت وحنيت لحسنك ذاك وشبت ناري
عفتك لحظه وحنيت
ارجع يمك ياريت
دموعي تجرح خدي
يالمهدي يالمهدي
***************
قاعد بالحسره وأتنطر يوم التنهي غيابك
وتعودمن الغيبه المره لحظن اهلك واحبابك
تتكحل عين الشيعه بشوفت عينك واهدابك
نتبارك بتراب التمشي عليه ونبوس ترابك
هذا تراب الجنه
يالمهدي واتمنى
لوتقبلني جندي
يالمهدي يالمهدي
تحياتي
| |
|
